Bo día nenos e nenas!!!!
Hoxe deixovos o conto "CARACOL E VERMIÑO" para recordar a importacia de compartir. Despois de ver o conto facemos a ficha. Nos recadros poñemos os nomes (CARACOL, FOLLA E VERMIÑO), despois rematamos de facer os círculos do corpo de vermiño e coloreamos.
Bicos;
A mestra Silvia.
Continuamos traballando o día da paz... Hoxe falamos de que a paz construímola entre todos cos nosos actos polo que fixemos a nosa propia receita da paz . Primeiro, falamos dos ingredientes da tortilla de patacas e despois xogamos a dicir palabras e adiviñar se eran paz ou non paz. Por exemplo, amor, bico, agarimo, abrazo, tranquilidade, pegar, empurrar, berrar,...As palabras que reflicten paz escribímolas entre todos na lousa para despois escribir 3 no noso arco da vella. Os nenos de 5 anos copian eles e os de 3 e 4 escribímolas as mestras/mamás e despois repasamos con rotulador e pintamos o arco da vella.
Bicos, a mestra Silvia
Ola nenos e nenas! Neste mes de xaneiro conmemórase o Día Escolar da Non Violencia e a Paz, o 30 de xaneiro. Polo que comezamos vendo un conto de Ramón Caride: "A pomba Dona Paz". Dona Paz é unha pombiña que sae cada mañá a ver o que pasa no mundo , pero o que ve non lle gusta nada porque ela quere un mundo cheo de amor e paz. Aquí vos deixo o conto e unha pomba para que elaboredes. Primeiro debedes pintar o peteiro e as patas, despois recortar ou picar e pegarlle as ás e unha palliña coa axuda da vosa familia.
Moitos bicos , a mestra Silvia.
UNHA VEZ REMATADA DEBERÍA QUEDAR ASÍ. MOITO ÁNIMO.
Bo día nenos/as !!! Comezamos un novo trimestre con novas aprendizaxes, experiencias e ilusións. Esta primeira semana na clase de relixión estamos a recordar como foron estas vacacións de Nadal ; falamos de cantos son os Reis e de que son os tres diferentes e escribimos os seus nomes.
Aquí vos deixo a ficha. Coloreamos os Reis Magos e escribimos coa axuda da familia os seus nomes. Un saúdo a mestra Silvia.
